લક્ઝુરિયસ કાર મર્સિડીઝ અને રેતી ભરેલા ટ્રેક્ટર વચ્ચે ભયાનક અકસ્માત
આંધ્રપ્રદેશના તિરુપતિ નજીક ચંદ્રગિરી બાયપાસ રોડ પર એક જોરદાર અકસ્માત સર્જાયો હતો. આ અકસ્માતમાં ટ્રેક્ટર મર્સિડીઝ બેન્ઝ કાર સાથે અથડાયું હતું. આ અકસ્માતનો વીડિયો પણ સોશિયલ મીડિયામાં વાયરલ થયો હતો. અકસ્માત બાદ હાઈવે પર ટ્રાફિક જામ થઈ ગયો હતો.
સોમવારે એક ટ્રેક્ટર મર્સિડીઝ બેન્ઝ કાર સાથે અથડાતા ટ્રેકટર બે ભાગમાં તૂટી ગયું. અહેવાલો અનુસાર, ટ્રેક્ટર વિરુદ્ધ દિશામાંથી આવી રહ્યું હતું અને ખોટી દિશામાં મુસાફરી કરી રહ્યું હતું જ્યારે તેણે કારને ટક્કર મારી તો ટ્રેકટરનાં જ બે ભાગ થઇ ગયા.
આ વીડિયો જોઇને લોકોને નવાઇ લાગી રહી છે. અહેવાલ મુજબ કારમાં સવાર તમામ મુસાફરો સલામત અને સ્વસ્થ છે. ટ્રેક્ટર ચાલક અને કાર ચાલકને સામાન્ય ઈજાઓ થઈ હતી.
અકસ્માત બાદ હાઈવે પર ટ્રાફિક જામ થઈ ગયો હતો જેના કારણે લોકોને અવર-જવર કરવામાં મુશ્કેલી પડી રહી હતી. ટ્રેક્ટરના બે ટૂકડા થતાં મુસાફરી કરી રહેલા લોકો મોબાઈલમાં વીડિયો અને ફોટો ક્લિક કરી રહ્યાં હતાં.