રજવાડી ઠાઠમાં વરરાજા, 50 લક્ઝુરિયસ કારનો કાફલો ને વરરાજા હાથી પર બેસી આવ્યા

ભાવનગરમાં પાછળ 50 જેટલી લક્ઝરી કારનો કાફલો અને આગળ ‘રજવાડી ઠાઠ’માં હાથી પર બેસી વરરાજો પરણવા ગયો હતો. એક બાજુ ડીજેના સૂર અને બીજી બાજુ ચલણી નોટનાં બંડલ ઊડ્યાં હતાં. વરરાજાની એન્ટ્રી જોઈ લોકો દંગ થઈ ગયા હતા.

ભાવનગર શહેરમાં વરરાજાની જાન હાથી અને લક્ઝરીસ કારના કાફલા સાથે વાજતેગાજતે કાઢવામાં આવી હતી. જેનો વીડિયો સોશિયલ મીડિયામાં ખૂબ જ વાઈરલ થયો હતો.

ભાવનગર શહેરમાં રહેતા રમેશભાઈ ભગવાનભાઈ હાવલિયાના પુત્ર કુલદીપ હાથીની અંબાડી ઉપર બેસી લગ્ન કરવા ગયો હતો. હાથી સાથે વરઘોડો જોઇ રજવાડાની યાદ તાજી થઇ હતી. વરરાજા હાથીની અંબાડીમાં અને તેની પાછળ 50 જેટલી લક્ઝ્યુરિયસ કારના કાફલા સાથે વરઘોડો કાઢવામાં આવ્યો હતો. એક કિલોમીટર લાંબા વરઘોડાને જોઈ સૌ કોઈ દંગ રહી ગયા.

શહેરના રેલવે સ્ટેશન પાસે રહેતા રમેશભાઈ ભગવાનભાઈ હાવલિયાના પુત્ર કુલદીપના લગ્ન બોટાદ જિલ્લાના ગઢડા ખાતે રહેતા યોગેશભાઈ લાલજીભાઈ વાળોદરાની પુત્રી વૈશાલી સાથે હતા. હાથીની અંબાડી ઉપર બેસી લગ્ન કરવા વરઘોડો કાઢ્યો હતો.

આ યુવાન હાથી પર સવારી કરીને પરણવા પહોંચ્યો હતો જે આકર્ષકનું કેન્દ્ર બન્યો હતો. જાનૈયાએ પણ ભરપૂર ડાન્સ કર્યો હતો તેમજ ચલણી નોટો ઉડાડવામાં આવી હતી.

વરરાજા હાથીની અંબાડીમાં અને તેની પાછળ 50 જેટલી લક્ઝ્યુરિયસ કારના કાફલા સાથે વરઘોડો કાઢવામાં આવ્યો હતો તેમજ વરરાજા હાથી પર સવાર થઈને પરણવા પણ પહોંચ્યો હતો. જેની સાથે જાનૈયાઓ પણ જોડાયા હતા. વરરાજાને હાથી પર સવાર થઈને તેમજ લક્ઝરી કારના કાફલાને જોવા ગામના લોકો ઊમટી પડ્યા હતા.

હાથી પર સવાર થઈને નીકળેલા વરઘોડામાં વરરાજા પર જાનૈયાઓએ પૈસાની બંડલ ઉછાળ્યાં હતાં. આ વરઘોડામાં મહેમાનો, મહાનુભાવો હાજરી આપી નવદંપતીઓને આશીર્વાદ આપ્યા હતા.